コンバトラーV 超力電磁俠 一號機 終於買到啦
真係一等30年..................在 洗衣街的千里達玩具店 買了兩次 都係買左 V 型電磁俠 一號機...... 因為媽媽係聖誕節自己買聖誕禮物比我, 無帶我去, 第二次係我生日 , 又係無同我一齊去買...............所以 由始至終我都係未擁有過 超力電磁俠 一號機 的
第一次拿上手.....有少少失望, 鬼叫期待左三十年咩.....比想像中輕好多.
但今次好正架, 有齊說明書同一張介紹五架機的合體章程
見都未見過這張紙, 唔知係唔係只係附 一號機 先之有, 不過 我懷疑係少左一粒飛彈的. 無理由三粒咁零丁喎, 通常附屬嗰D拳頭啦, 飛彈啦都雙數的喎. 這個要找找資料了
因為之前未玩過 , 一拿上手, 好鬼興奮, 雖然, 己經知道唔係全新, 一定被人結合過的啦, 所以機尾部份有少少脫油, 己經一早預左. (脫油情況絶對可以接受)
但係反轉一睇........嚇鬼死我呀! 點解無左塊面架..... 點解咁大塊面會掉得出來呢 ?
哈哈, 原來唔係掉左出來, 只係設計上有這項功能... 70年代竟然可以設計到當未合體仍然是飛機狀態時 (水平狀態), 超力塊面竟然可以90度角收埋入機倉, 到你結合時, 一垂直部機, 成塊面又走返出來......
大家可以比較一下, 下面的兩幅圖就知箇中分別
講真, 今時今日的合金魂都無咁驚喜的部份出現過啦
根據天書介紹, 原來 超力一號有三個Version 出現過的, 我這個面目惡些少的, 兩頰有塗油的是第一期, 據講一期的控制員係用五勇士同一個模的, 不過, 講真, 我望左好耐, 一粒野咁細粒, 鬼睇得出咩, 佢話二期, 個樣同控制員都變左啦, 三期更加銀色部份改做白色添.....
有緣我一定要搵齊三個不同VERSION !!!!!
新的網址:
